Ég er ekki frá því að hormónaflæðið sé alveg á milljón hjá mér þessa dagana... Ég eyði þeim í að hlusta á ástarsöngva og er með kökkinn í hálsinum að passa mig að fara ekki að grenja... Skil ekkert í þessu
En það er ekkert að gerast eins og er núna, barnið okkar Einars líður greinilega bara svona vel í bumbunni minni að það á ekkert að koma út. En ég er að fara til ljósunnar minnar á eftir, sjáum til hvað hún segir
Annars ætla ég að reyna að hvíla mig... þarf að safna orku fyrir öll átökin

3 vikur í stóru stundina Vá hvað biðin styttist

Annars er ekki mikið að frétta héðan, allar hugsanir snúast um væntanlegan erfingja, enda ekki mikið annað hægt þar sem tilhlökkunin er ekki lítil 
Annars er ég á leiðinni í vendingu, það á s.s. að reyna að snúa litla krílinu á þriðjudaginn næstkomandi...
Svo var verið að klára að græja barnaherbergið og það er tilbúið að öllu leyti nema það vantar vögguna
Svo vorum við að kaupa bílstól í gær og erum að fara að kaupa vagn á morgun Bara allt að gerast

Annars hef ég ekki mikið meira að segja í bili, þannig að ég kveð...

... þegar bumbubúinn minn sparkar
Bestasta tilfinning í heiminum

Uppköst, grindarverkir og höfuðverkur eins og ég hef aldrei kynnst áður, einkenna daginn í dag hjá mér Ég vildi óska að ég gæti sofið, en er því miður búinn með allan svefnkvóta...Ef þetta eru fylgikvillar háþrýstingsins sem er að herja á mig núna, þá segi ég bara guð hjálpi mér
Úff, ég þufti bara aðeins að fá útrás

En allaveg er lítið annað sem ekkert að frétta héðan, lífið gengur bara sinn vanagang, tíminn hefur liðið frekar hratt hingað til og ekki nema tæpar 10 vikur í áætlaðan fæðingardag krílisins og spenningurinn í samræmi við það
Annars er lítið annað að frétta og kveð ég þá bara í bili...

Það voru ekkert smá truflandi fréttir sem maður fékk í morgun þegar maður heyrði að Heath Ledger væri dáinn Það var ekkert smá sem ég dýrkaði þennan leikara. Skil ekki alveg hvað fær fólk til að fyrirfara sér, sérstaklega þegar það eru svona ung börn í spilinu eins og hans, hann á 2ja ára dóttur
En hann hefur verið mikið andlega veikur greyið...

En annars er lítið að frétta héðan úr Njarðvíkinni, heilsan hjá okkur 2 er ágæt, þó svo að ég sé farin að vinna aðeins minna. Minnkaði við mig um helming skv. læknisráði, það er víst ekkert við því að gera... Litla krílið sparkar eins og það eigi lífið að leysa þessa dagana sem náttúrulega bara hið besta mál Voðalega góð tilfinning. En svo er ég á fullu að skoða rúm og bílstóla, það er svo ofboðslega mikið úrval að ég er engu nær sama hvað ég skoða mikið! En þetta er allt að ráðast, ég held að það sé svona nokkurnveginn að koma heim og saman
Meira var það ekki í bili

Hún Tinna mín eignaðist litla dömu þann 12. janúar. Gullfalleg lítil dama, 49 cm og 12,5 merkur!! (svolítið sein með fréttirnar ) Mér er farið að hlakka til að fá mitt krútt í hendurnar þegar ég er innan um alla grislíngana.. En þetta kemur í apríl

Annars hefur voða lítið drifið á daga mína, Einar vinnur langt fram eftir nóttu og það eina sem ég sé er afturendinn á honum þegar hann skríður upp í rúm... (ekki það að hann sé eitthvað óáhorfanlegur) Ég segi nú bara sona...

En hey... Hafdís systir var að segja mér frá eitthverri síðu sem þú getur farið á og séð hverjir hafa deletað þér af msn-inu hjá sér Ofboðslega fyndið hvað hægt er að finna á internetinu nú til dags

Annars kveðjum við í bili...
Adios

Jæja, þá er nýtt ár gengið í garð hátið áts og leti loks að taka enda Áramótin voru svolítið öðruvísi þetta árið þar sem þau voru haldin heima hjá okkur Einari. Mamma, pabbi og Hafdís komu og voru hjá okkur í nokkra daga yfir áramótin og það heppnaðist bara alveg ótrúlega vel í alla staði, kanski fyrir utan það að ég þurfti að vinna, en svona er það bara þegar maður er í vaktavinnu En ég get nú huggað mig við það að þetta verður seinasta hátiðin sem ég þarf að vinna. Ég ætla mér ekki að fara út í að vinna á rauðum dögum, ég vil geta verið heima með familíunni þegar svona stendur á...
En svona í tilefni að nýju ári langar mig að monta mig og sýna kúluna mína



Jæja, þá kveðjum við í bili

Já, það er heldur betur ógeðslegt veður hérna þessa dagana En það er sosum ekkert við því að gera
En það er nú nokkuð langt síðan ég skrifaði hérna inn seinast, og eflaust eitthvað aðeins í fréttum af litlu familíunni... Við Einar erum búin að fara í 20 vikna sónarinn og það leit allt alveg ofboðslega vel út og  krúttið okkar er við hesta heilsu Krúttið sparkar og sparkar, enda baara gott mál Það jafnast ekkert á við að finna heryfingarnar

En meira var það ekki í bili...
Nýjar bumbumyndir á barnalandssíðunni... Endilega kíkja

Þá er ég búin að taka ákvörðun og ætla ég að leyfa Einari að ráða þessu og hef ég samþykkt að kíkja í pakkan En hvort ég geri það opinbert það er svo annað mál, við sjáum bara til þegar þar að kemur
Við förum í 20 vikna sónarinn mánudaginn 3. desember og þá kemur í ljós hvort þetta sé bleikt eða blátt... Prins eða prinsessa
Annars er allt gott að frétta, er búin að búa til síðu fyrir krílið til að fjölskyldan geti fylgst með, hún er nú svo vel dreifð, mestur partur á ísafirði, ein í noregi og svo við búsett í Njarðvík Svo er öðrum náttúrulega velkomið að fylgjast með, bara senda mér e-mail

Annars segjum við þetta bara gott í bili

Ég er eins og krakkarnir... ég vill það sem ég get ekki fengið! Nú höfum við Einar verið að velta því fyrir okkur hvort við viljum fá að vita kynið eða ekki.. Þegar við erum búin að ákveða að fá að vita þá skipti ég um skoðun og vil láta koma mér á óvart, en þegar hann hefur samþykkt það vill ég fá að vita kynið Ég virðist ekki vita hvað ég vill Arrrg...

Hvaða álit hafið þið á þessu???
Plís kommentið á þetta fyrir mig